Өнеркәсіп өнімдерінің дизайны

Өнеркәсіптік өнім дизайнері - бұл мамандық, онда мамандар интерьер мен экстерьер заттарының, өнімдер мен жабдықтардың көркемдік безендірілуін жақсартуға бағытталған техникалық және шығармашылық қызметпен айналысады.

Өнеркәсіптік өнім дизайнері адам қызметінің барлық салаларын қамтуы тиіс, мысалы: тұрмыстық аспаптар, автомобильдер және басқа да көлік құралдары, өнеркәсіптік өндіріске арналған технологиялық жабдықтар, инженерлік құрылғылар мен құрылыстар, визуалды коммуникациялар, интерьер элементтері.

Өнеркәсіптік дизайнды жасаудағы басты міндет - оның ыңғайлы, пайдалы, эстетикалық тұрғыда тартымды, заманауи және қауіпсіздікке сай келетіндігіне көз жеткізу.

Осы қызықты да шығармашыл мамандықтың артықшылығы - атақты және танымал болу мүмкіндігінің болуында, демек жақсы табыс табу, сондай-ақ қажетті жағдай туындаған кезде үйде отырып жұмыс істеу мүмкіндігінде. Жұмыс қиын, алайда қызықты.

Мамандықтың кемшілігі - жұмыс көп уақытты алуы мүмкін, өйткені мерзімді тапсырыс беруші белгілейді, ал егер дизайнер үлгермей жатса, күндіз де, түнде де жұмыс істеуге тура келеді.