Жиһаз жинақтаушы

Жиһаз жинақтаушы - жиһаз дайындауға қажетті бөлшектерді, дайындамаларды, тораптар мен материалдарды жинақтауды орындайтын маман. Жиһазды жинақтаушы сату алдында жинақтарды дайындайды: бөлшектер мен дайындамаларды түсі, өлшемі, мақсаты және басқа да сипаттамалары бойынша бөледі. Ол сатып алушының тауарды қандай түрде алуына жауап береді. Жұмыскер бөлшектерді таңбалау, олардың мақсаты туралы бәрін білуге, бұйымдардың сапасын анықтай білуге және жинақтау және сұрыптау ережелерін білуге тиіс.

Разрядына байланысты жиһаз жинақтаушы қарапайым немесе анағұрлым күрделі жұмыстарды орындай алады:

• жинақталған бөлшектерді таңбалау;
• жинақтауды есепке алу;
• өлшемі мен сапасы бойынша қапталмаған кесек бөлшектерді, жартылай фабрикаттарды және фанерадан жасалған дайындамаларды жинақтау;
• бөлшектерді, дайындамалар мен фанераларды сорттары, өлшемдері, мақсаты және басқа да белгілері бойынша бөлшектеу;
• құжаттаманы тиісінше ресімдей отырып, жинақтаушы бұйымдардың, тораптар мен бөлшектердің қозғалысын есепке алу.

Осы біліктілік бойынша табысты оқу үшін студенттің физика, химия, сызу саласында білімі болуы тиіс.

Жалақы жұмыс орнына, біліктілік деңгейіне және тәжірибесіне байланысты. Орта есеппен ісін жаңа бастаған маман үшін - 70-80 мың теңге.

Жоғары деңгейдегі маман болу үшін ең аз тәжірибе - 3 жыл. Бұл мамандықта тәжірибе өте маңызды.

Бұл маманға бірқатар жеке қасиеттер қажет: ұқыптылық, мұқияттылық, мақсатқа ұмтылу, өз бетінше шешім қабылдай білу, жауапкершілік, тіл табысқыштық. Сондай-ақ жақсы көз өлшеу және түстердің реңктерін ажырата білу қажет. Жас маманға барлық бөлшектердің бұйымға сәйкес келуі үшін өте мұқият болу қажет.

Кәсіптің артықшылығы сұранысқа иелігінде - қызмет көрсету нарығындағы жұмысшы мамандықтарға үлкен сұраныс. Жалақы - жоғары, тәжірибесі мен біліктілігіне байланысты.

Мамандықтың кемшіліктері медициналық қарсы көрсетілімдердің болуында  - өкпе және көру органдарының аурулары, өндірісте пайдаланылатын химиялық заттарға аллергия. Қолайсыз еңбек жағдайлары, мысалы, цехта ағаш тозаңы мен желім иістерінің болуы.