Жануарларды ветеринарлық өңдеу жөніндегі операторы

Жануарларды ветеринарлық өңдеу жөніндегі оператор –жануарлар мен құстарды зерттеу кезінде емдеу-профилактикалық өңдеу, егу, диагностикалық препараттарды енгізу жұмыстарын жүргізетін маман.

Жануарларды ветеринариялық өңдеу жөніндегі оператордың міндеттеріне мыналар да кіреді:

• жануарлар мен құстардың ауруларының және өлім-жітімін алдын алу бойынша ветеринариялық-профилактикалық іс-шараларды жүзеге асыру;
• оқшаулағыштағы ауру жануарларға күтім жасау;
• ветеринариялық мамандарға жануарларды емдеуге көмек көрсету;
• жарақат алған, уланған жағдайда жануарларға алғашқы көмек көрсету;
• жараларды емдеу;
• жануарларды піштіру;
• ветеринариялық мамандарға босандыру және зерттеу үшін материал алу кезінде көмек көрсету.

Орта есеппен алғанда жас маман жалақысы 100-130 мың теңгені құрайды.

Осы біліктілік бойынша ойдағыдай білім алу үшін және одан әрі жұмыс істеу үшін студент биология, химия негіздерін білуі қажет.

Медициналық-санитарлық және әлеуметтік мейірбике қызметкерінің бойында төзімділік, өзін-өзі бақылау, физикалық төзімділік, жақсы моторика, реакция жылдамдығы, жануарларға деген сүйіспеншілік, зейінділік, шыдамдылық сияқты қасиеттердің болуы маңызды.

Жоғары деңгейдегі маман болу үшін 5-7 жыл қажет.

Жас маман қиындықтарға тап болуы мүмкін, себебі бұл мамандық үлкен жанқиярлықты, шыдамдылықты, төзімділікті, ең бастысы – батылдық пен тез шешім қабылдай білуді қажет етеді.

Бұл мамандықтың басты артықшылығы – жануарларға көмек көрсету.

Кемшіліктерге есінен танып қалатын, қозғалыс үйлесімділігі бұзылған, аллергиялық аурулары бар адамдарға қарсы көрсетілімдер бар екендігін жатқызуға болады.

 

Бұл мамандықтың түлектері ветеринарлық клиникаларда, жылқы зауыттары мен құс фабрикаларында, балық және аң өсіретін кәсіпорындарда, питомниктерде, фермерлік шаруашылықтарда, ет комбинаттарындағы өндірістік-ветеринарлық бақылау бөлімдерінде, ет-сүт және тамақ бақылау станцияларында, зертханаларда жұмыс істей алады.